कविता # 4

झिली मिलि शहरको  दृश्य राम्रो

लुकेको छ यहाँ धेरै रहश्य हाम्रो

बधशाला देखि देवालय, जहाँ त्यहि

जमातको छ कोलाहाल राम्रो

पुजामा पनि कोहि स्वार्थ राख्नेहरु

प्रशाद स्वरूप केहि आश राख्नेहरु

गाँजालाई , शिवजीको प्रशाद ठान्छन यहाँ  नास्तिकहरु

रातलाई रंगिन मान्छन यहाँ शहर फोहोर भन्नेहरु

झिली मिलि शहरको  दृश्य राम्रो

लुकेको छ यहाँ धेरै रहश्य हाम्रो

सभ्य भनेहरु घर अगाडी फोहोर फाल्छन्

अन्जानमा शहर साफ  गर्नेलाई यहाँ खाते  भन्छन्

सफाई कर्मचारीको  उपनाम नै  फोहोरी भैसक्यो

स्वच्छ शहर अभियान लाखौ खानेहरु  , यहाँ पुरस्कृत हुन्छन

झिली मिलि शहरको  दृश्य राम्रो

लुकेको छ यहाँ धेरै रहश्य हाम्रो                                                                                  

धरैको सपना यहाँ  आएर  टुक्रिन्छन

कतिको भाग्य यहाँ आएर चम्किन्छ

दिन त दिन्छ यो शहरले सबैलाई  दिन्छ

कतिलाई सपनाको पोको जस्ताको तस्तै

कतिलाई अरुको सपना बनाई दिन्छ,

झिली मिलि शहरको  दृश्य राम्रो

लुकेको छ यहाँ धेरै रहश्य हाम्रो

बधशाला देखि देवालय, जहाँ त्यहि

जमातको छ कोलाहाल राम्रो